Ադրբեջանում տեղի է ունեցել 5.5 մագնիտուդի երկրաշարժ, տուժածների մասին տեղեկություն հուլիսի 3-ին չի ստացվել
Ստորգետնյա ցնցումները զգացվել են նաև հարևան Դաղստանում։ Այն, մասնավորապես զգացվել է Մախաչկալայում, Կասպիյսկում և մի շարք այլ շրջաններում:
Ըստ ՌԻԱ Նովոստի լրատվական գործակալության,Դաղստանում երկրաշարժի հզորությունը հասել է 5.9 մագնիտուդի:
ՌԻԱ Նովոստի-ն հայտնում է, որ Ադրբեջանի մայրաքաղաք Բաքվում խուճապ է սկսվել, և բնակիչներից շատերը լքել են տները:
Ադրբեջանի արտակարգ իրավիճակների վարչությունը հայտնել է, որ հուլիսի 3-ի ուշ երեկոյան դրությամբ ավերածությունների և տուժածների մասին տեղեկություններ չեն ստացվել:
Եվրոպական-միջերկրածովյան սեյսմոլոգիական կենտրոնի տվյալներով՝ երկրաշարժը տեղի է ունեցել Խաչմազ քաղաքից 46 կիլոմետր հյուսիսարևելք: Դրա էպիկենտրոնը գտնվել է 35 կիլոմետր խորության վրա։ Հաղորդվում է, որ ցունամիի վտանգ չկա: