Яңа җитәкче билгеләнде

Азат Идрис улы Хуҗин район башкарма комитеты җитәкчесенең инфраструктура үсеше буенча урынбасары итеп билгеләнде.

Ул моңа кадәр Росреестрның территориаль бүлеге начальнигы урынбасары булып эшли иде. Азат Хуҗин Казан дәүләт аграр университетын тәмамлап инженер белгечлеге һәм социаль-гуманитар белемнәр институтында укып юрист белгечлеге алган. Гаиләле, ике бала тәрбиялиләр.

Альфред Хөснетдинов, башка эшкә күчүе сәбәпле, район башкарма комитеты җитәкчесенең инфраструктура үсеше буенча урынбасары вазыйфаларыннан азат ителде.