Գազայի հիվանդանոցի վրա հարձակման հետևանքով բոլոր զոհվածները խաղաղ բնակիչներ էին․ Գազայի հատվածի առողջապահության նախարարություն
Գազայի կենտրոնում գտնվող հիվանդանոցի վրա հարձակման հետևանքով բոլոր զոհվածները խաղաղ բնակիչներ էին: Այս մասին, ինչպես հաղորդում է Al Jazeera հեռուստաալիքը, հայտարարել է պաղեստինյան անկլավի առողջապահության նախարարության ներկայացուցիչը։
«Գազայի հիվանդանոցի վրա հարձակման հետևանքով բոլոր սպանվածները խաղաղ բնակիչներ էին», - ասել է ԱՆ ներկայացուցիչը՝ հավելելով, որ «հիվանդանոցի ռմբակոծության հետևանքով բոլոր վիրավորվածները նույնպես խաղաղ բնակիչներ են»։
Առողջապահության նախարարության ներկայացուցիչի խոսքով՝ «նախորդ տարիներին պաղեստինյան և իսրայելական կողմերի միջև ոչ մի հակամարտության ժամանակ այս հիվանդանոցը երբևէ հարձակման չի ենթարկվել»։
«Այժմ մենք անհանգստանում ենք Գազայի հատվածի մյուս հիվանդանոցների և կլինիկաների համար», - հավելել է նա:
Հիշեցնենք, որ ավելի վաղ Al-Jazeera հեռուստաալիքը, վկայակոչելով Գազայի հատվածի առողջապահության նախարարության ներկայացուցչին, հայտնել էր, որ Ալ-Ահլի Ալ-Մաադանի հիվանդանոցին Իսրայելի հասցրած հարվածների հետևանքով զոհվել է ավելի քան 500 մարդ։