Дүрт-Мунча мәктәбе укучылары Зәйгә экскурсиягә килделәр

Зәй яшьләр эшләре идарәсенең “Экскурсияләр бюросы” проекты кысаларында Дүрт-Мунча мәктәбе укучылары “Яшьлек” боз сараенда булдылар. Алар бозда шуганнан соң, “Синьор Помидор» пиццериенда кайнар чәй эчеп, пицца ашап ял иттеләр, тәэсирләре белән уртаклаштылар.

Бу проект кысаларында  идарә тарафыннан барлык  авыл мәктәпләрен колачлау планлаштырыла. Укучыларны “Яшьлек” боз сарае, бассейн, “Синьор Помидор” кафесын, туган як тарихын өйрәнү музее, шулай ук Иске Зәй яшьләр үзәгендә электрон тирга алып бару карала.