Язылышу өчен гаризаны электрон юл белән бирергә мөмкин

Зәйнең ЗАГС идарәсе уртак гаилә төзеп яшәргә теләгән парларга яңа формада уңайлы хезмәт күрсәтелү гамәлгә кертелүе турында хәбәр итә. Хәзер язылышу өчен парлар Россия Федерациясе дәүләт хезмәтләре порталыдна теркәлеп, электрон рәвештә гариза бирә ала һәм аннан соң ЗАГСка тантаналы вакыйга көнне генә килә. Идарә башлыгы Гөлфия Вәлишина белдерүенчә, элек парлар электрон юл белән язылышу көнен билгеләп кенә куя ала иде, гариза язу бары тик кулдан ЗАГСка килеп кенә башкарылды, хәзер исә закон нигезендә язылышу өчен гаризаны электрон рәвештә бирергә мөмкин.