Урлашкан, алимент түләмәгән, хәзер инде кеше алдый
Лениногорскидан 23 яшьлек кызга Чаллыда яшәргә урын кирәк була.
Шушы нияте белән ул 27 яшьлек егетнең кармагына эләгә. Тегесе аны бер фатирга урнаштырып, кыздан 5 мең сум акча ала. Әмма кыз фатирда озак кинәнеп яши алмый. Фатирның чын хуҗасы булган бер ханым килеп кергәч, кызның алдакчы егет корбаны булганлыгы ачыклана. Кызга фатирдан чыгып китәргә туры килә һәм ул бу хакта полициягә хәбәр итә.
Егетне тоткарлыйлар. Ул урлашкан, алимент түләмәгән өчен ике тапкыр хөкем ителгәне булган, беркайда да эшләми торган 27 яшьлек Лениногорск егете булып чыга. Өченче тапкырында инде аны мошенниклык өчен хөкем карары көтә.