Чаллы мәктәпләрен «шартлатучы» Әлмәткә дә шалтыраткан булган
Социаль челтәрдә Яр Чаллыдагы 19 нчы мәктәпне һәм татар гимназиясен ашыгыч рәвештә эвакуацияләүләре турында хәбәр тиз таралды.
Әлеге уку йортларына шалтыратып, бомба куелганлыгы турында әйткәннәр. Шалтыратучының балигъ булмаган яшьтәге бала икәнлеге мәгълүм булган. Аннары ул Әлмәтнең бер мәктәбенә дә шалтыраткан һәм шартлау куркынычы турында хәбәр иткән.
Хәзерге вакытта телефон террористының шәхесе билгеле. Аның белән хокук саклау органнары шөгыльләнә.