Елмай!
Бер ир-ат автобуста:
– Хәзерге яшьләрне кара әле син! Тәрбиясезләр, оятсызлар! Утырганнар, башкаларга урын бирү турында уйламыйлар да.
Кондуктор аңарга:
– Ник орышасыз? Утырып барасыз түгелме соң?
– Мин утырган, ә менә хатын сумкаларын күтәреп басып тора.
Егет белән кыз ресторанда утыра. Җиңелчә генә салат алып, ашап утыралар. Кыз вакыт-вакыт менюга күз төшереп ала. Ниһаять, егет:
– Нәрсә кайнарны алабызмы?
– Әйе, әйе, – ди бик ашыйсы килгән кыз шатланып.
– Официант. Зинһар өчен ике чәй китерегез әле.
– Минем йөргән кызым кесә телефоны кебек.
– Шундый ук кирәк, компактлы һәм заманчамы?
– Юк ла, акча бетсә сөйләшми башлый.
Элек яңа чит ил машинасы алган егет бик текәләр рәтендә иде. Хәзер, кызлар, сак булыгыз: әгәр егет чит ил машинасында икән, димәк, аның өстендә биш еллык кредит бар.
-Сез нинди акчага яшисез?
-Пенсиягә?
-Нәрсә 25 яшьтә пенсия бирә башладылармы әллә?
-Миңа түгел – әтигә.