Нигә көттерәсең син сөю?
Бик кайтсым килә үткәнемә,
Исәрләнеп, сусап назыңа.
Бер кайтасым килә,кабатланмас-
Бүләк иткән сөю языңа.
Шундый җылы иде, хәтеремдә-
Кайнар иде һәрбер сулышың.
Шул сулышта яшим, әле дә мин,
Назлы, татлы, кайнар язмышым.
Кулларыма кулың алганнарым-
Йөрәгемдә калган әле дә.
Бер кайтасым килә шул мизгелгә,
Мин әле дә Таһир хәлендә.
Керсәм әгәр синең өчен диеп,,
Сөю учагына , ялкынга.
Риза җаным бары , барысына ,
Бул син бары, бул син янымда.
Аңлыйм сине, ай-хай бу ярату-
Уртак газап безнең юлларда.
Сәбәпләр бар кабат күрешергә,
Тик син генә зинхар, югалма.
Синнән тора, миннән- ике адым,
Уртак сукмак көтә пар көю .
Бер күрешү көтеп яши ике Сак-Сок,
Нигә шундый ачы син сөю?
Бер адымнан сине табармын да,
Кочагыма алыр хисләрем.
Аңла шуны, мин бит бары сиңа гашыйк,
Мәңге гашыйк, тиле, исәрең!
Вазыйх Фатыйхов.