Путин Бәһрәйн короленә Аurus лимузинының озын версиясен бүләк итте
Россия Президенты Владимир Путин Бәһрәйн короле Хәмад бен Исә Әл Халифәгә Аurus автомобиленең озын версиясен бүләк итте. Бу хакта массакүләм мәгълүмат чаралары хезмәткәрләренә Россия лидерының ярдәмчесе Юрий Ушаков белдерде.
Ул Россия Президенты тарафыннан Бәһрәйн короленә люкс лимузины бүләк ителүен раслады.
«Әйе, шул исәптән Аurus автомобиленең озын версиясе дип әйтә алам», - дип китерә ТАСС спикерның сүзләрен.
Элегрәк Путин Бәһрәйн короленә тәрҗемә өчен наушникларны ничек кулланырга кирәклеген күрсәткән иде. Лидерлар Мәскәү Кремлендә кайбер темалар буенча фикер алышырга тиеш иде, ләкин тоткарлык килеп чыкты: чит ил кешесе синхрон тәрҗемә өчен наушникны тиз генә кия алмады. Россия лидеры, кунакның кыенлыкларын күреп, җайланманы ничек кияргә икәнен күрсәтте.