Ноябрь аенда районда 16 бала дөньяга килгән

Ноябрь аенда районда 16 бала дөньяга килгән, 6 пар никахлашкан.

Әмма ай дәвамында 2 гаилә таркалган, 28 кеше вафат булган. Елның 11 аенда 137 әлкиле туган, 78 никах теркәлгән, 36 гаилә аерылышкан, 299 райондашыбыз мәңгелеккә күчкән.

Чагыштыру өчен: 2014 елның ноябрендә районда 12 бәби туган, 8 туй булган, 4 гаилә таркалган, 19 кеше үлгән. Ел башыннан бирле 178 бала дөньяга килгән, 88 гаилә төзелгән, 37 пар аерылышкан, 290 кеше вафат булган.