Маңғыстау облысында теңізге шыққан екі адам сегіз сағатқа жуық іздеуден кейін табылды
Маңғыстау облысында Каспий теңізінде екі адам құтқарылды. Оларды іздеу жұмыстары сегіз сағатқа жуық уақытқа созылды, - деп хабарлайды Tengrinews.kz тілшісі.
ТЖМ мәліметінше, осы түні 1998 және 1996 жылы туылған екі жергілікті тұрғын sup board пен сырғанауға теңізге барған.
"Оларды ағын теңізге алып кеткен. Іздестіру жұмыстары 8 сағатқа жуық созылды. Жұмысқа құтқарушылардан басқа, әскери теңізшілер де тартылды, олар таңға қарай жағалаудан 5 шақырым жерде Көгілдір айлақ аумағында жоғалған адамдарды тапты", - делінген хабарламада.
Ер адамдардың жағдайы тұрақты. Олар Ақтау портына жеткізіліп, медициналық көмек көрсетілгені айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!