ҰҚК жүргізушілерге Өзбекстан шекарасындағы жағдайды ескертті
ҰҚК Шекара қызметі Өзбекстан Республикасымен шекарадағы жекелеген өткізу пункттерінде адамдар мен көлік құралдарының жиналуы тіркеліп жатқанын хабарлады, - деп хабарлайды Tengrinews.kz тілшісі.
Атап айтқанда, "Жібек жолы" өткізу пунктінде бұл іргелес аумақтағы "Гишт Куприк" БӨП-те құрылыс жұмыстары мен жол төсемінің кеңейтілуіне байланысты.
"Сондай-ақ, қазақстандық "Тәжен", "Атамекен" және "Қазығұрт" шекаралық өткелдерінде қайта жаңарту жүргізілуде, ал "Қапланбек" бақылау өткізу пункті осы себептермен жабық. Мемлекеттік шекара арқылы басқа өткізу пункттері штаттық режимде жұмыс істеп тұр", - делінген хабарламада.
Осыған байланысты жүргізушілерден жүру бағытын алдын ала жоспарлау сұралды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!