Атырауда көшедегі жанжал соңы қайғылы оқиғамен аяқталды: видео

Атырауда екі ер адамның арасындағы жанжал соңы қайғылы оқиғамен аяқталды. Оқиға сырттағы бейнебақылау камераларына түсіп қалған. Атырау Полиция департаментінің баспасөз қызметі мәліметінше, күдікті ұсталған, - деп хабарлайды Tengrinews.kz тілшісі.
Бейнежазбаға қарағанда, екі ер адам арасындағы жанжал көлік тұрағына ұқсас жерде болған. Кадрларда ер адамдардың бірі екіншісін жұдырықпен ұрып жатқанын көруге болады. Екіншісі жауап қайтармайды. Ақ киімді ер адам соққы жасауын жалғастырып, қарсыласының бетінен ұрады, бір мезетте ол құлап қайта тұрмайды.
Бұл ретте төбелес маңында куәгерлер жиналған, бірақ олардың ешқайсы жанжалдасқандары тоқтатуға тырыспайды.

Атырау Полиция департаментінің баспасөз қызметі зардап шеккен ер адам алған жарақатынан ауруханада көз жұмғанын хабарлады.

"Соталды тергеуі басталды. Күдікті УҰИ-ға қамалды. Сот-медициналық сараптама тағайындалды. Өзге ақпарат тергеу мүддесі үшін жарияланбайды", - деп түсіндірді Полиция департаментінің баспасөз хатшысы Мейірім Ердәулет.

Сілтемесіз жаңалық оқисыз ба? Онда Telegram желісінде парақшамызға тіркеліңіз!