15 июньдә Чиләбе өлкәсенең Норкино авылында Сабан туе була
15 июньдә Чиләбе өлкәсенең Аргаяш районы Норкино авылында өлкә милли-мәдәни бәйрәме - Сабан туе була. Бу хакта Чиләбе өлкәсе татар конгрессының «ВКонтакте» социаль челтәрендәге төркемендә хәбәр ителә.
Сабан туе кунакларын тирмә һәм утарлардан торган зур шәһәрчек, милли аш-су, көрәш, спорт ярышлары, ат чабышлары, халык уеннары, иҗади мастер-класслар, милли ярминкә, Чиләбе өлкәсе, Татарстанның Арча районы артистлары, шулай ук автор-башкаручы, баянчы Илнар Гыйльманшин катнашында концерт программасы көтә.
Бәйрәм 12.00 сәгатьтә башлана.