Новосибирск өлкәсе «Сабантуй дусларны җыя» өлкә милләтара бәйрәменә чакыра
15 июньдә 12.00 сәгатьтә Новосибирск өлкәсе Уба районы Уба авылында «Сабантуй дусларны җыя» өлкә милләтара бәйрәме узачак. Бу хакта «Новосибирск өлкәсе Татар мәдәни үзәге» мәдәният учреждениесе «ВКонтакте» социаль челтәрендәге «Новосибирск татарлары» сәхифәсендә яза.
Бәйрәм программасында түбәндәге күңел ачу чаралары булачак, дип көтелә:
- Бәйрәм йөреше;
- Концерт программасы;
- «Көрәш» билбау көрәше;
- Милли уеннар һәм конкурслар;
- Спорт ярышлары;
- Ярминкә-сату;
- Милли ихаталар конкурсы;
- «Мисс Сабантуй – 2024» конкурсы һәм башкалар.