Սելավային հոսքն անանցանելի է դարձրել Երևան-Մեղրի ավտոճանապարհից դեպի Ջերմուկ տանող հին ճանապարհը. ՆԳՆ
Վայոց ձորի մարզային փրկարարական վարչության ճգնաժամային կառավարման կենտրոնը հունիսի 11-ին, ժամը 15։01-ին ահազանգ է ստացել, որ Երևան-Մեղրի (Մ-2) ավտոճանապարհից դեպի Գնդեվանք տանող ճանապարհին տեղի է ունեցել փլուզում․ անհրաժեշտ է օգնություն:
Ինչպես տեղեկացրին ՀՀ ներքին գործերի նախարարության փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը։
Ըստ աղբյուրի՝ պարզվել է, որ Հ-43 ավտոճանապարհի 11-րդ կմ-ին (Մ-2 ավտոճանապարհից դեպի Ջերմուկ՝ հին ավտոճանապարհ) հորդառատ անձրևի հետևանքով տեղի է ունեցել սելավային հոսք (հողային զանգվածը մոտ 20 խմ)․ ավտոճանապարհը դարձել է անանցանելի։
Նշվում է, որ տարածքի ուսումնասիրության արդյունքում հայտնաբերվել է սելավային հոսքից մասամբ փակված ևս 2 հատված (համապատասխանաբար, մոտ 5 և 7 խմ)։ Մաքրման աշխատանքներ իրականացնելու համար անհրաժեշտ է ինժեներական տեխնիկա։
Փրկարարները սահմանազատել են տարածքը։
The post Սելավային հոսքն անանցանելի է դարձրել Երևան-Մեղրի ավտոճանապարհից դեպի Ջերմուկ տանող հին ճանապարհը. ՆԳՆ first appeared on MediaLab Newsroom-Laboratory.