Պորտուգալիայի հավաքականի խաղացողները գիտեն, որ կարող են հաղթել Եվրո-2024-ը․ Ռոնալդու
Պորտուգալիայի հավաքականի 39-ամյա հարձակվող Կրիշտիանու Ռոնալդուն խոսել է ազգային հավաքականի ներկայիս կազմի մասին։
«Ես խորապես հավատում եմ, որ այս թիմը մեծ ուրախություն կպարգևի պորտուգալացի երկրպագուներին՝ սկսած այս Եվրոյից: Եվ այնուամենայնիվ, ես հավատում եմ, որ խաղացողների լավագույն սերունդն այն սերունդն է, որը հաղթում է [գավաթներ]: Հուսով եմ, որ այս թիմը կհաղթի, քանի որ մենք անհավանական տաղանդավոր թիմ ունենք:
Ինչպես գիտենք, միայն տաղանդը բավարար չէ հաղթելու համար։ Նման մեծ մրցաշարում հաղթելու համար շատ բան է պահանջվում: Մենք ունենք այն ամենը, ինչ անհրաժեշտ է, բայց քայլ առ քայլ, խաղ առ խաղ գնալու ենք դեպի մեր նպատակը՝ չդադարելով հավատալ հաջողությանը։
2016 թվականի հաղթանակը պատմական էր թե՛ պորտուգալական, թե՛ համաշխարհային ֆուտբոլի համար։ Հիմա մենք ամուր կանգնած ենք գետնին, բայց մտածում ենք բարձր՝ իմանալով, որ կարող ենք հաղթել Եվրոն»,- Ռոնալդուի խոսքերն է մեջբերում ՈւԵՖԱ-ի մամուլի ծառայությունը։