Чаллы укучысы ике фән буенча Бердәм дәүләт имтиханында 200 балл җыйган
Чаллының 26нчы гимназия укучысы Ильяс Аетдинов бердәм дәүләт имтиханында 200 балл җыйды. Математика һәм информатикадан аның эше 100әр баллга бәяләнде. Ильяс мәктәптә дә яхшы укыган. Математика һәм информатика буенча ул - россиякүләм олимпиадалар призеры. Бу хакта «Шәһри Чаллы» хәбәр итә.
Бердәм дәүләт имтиханында югары балларга укытучыларның яхшы итеп әзерләве нәтиҗәсендә ирештем, дип саный Ильяс. Информатика укытучысы Елена Бадагиева һәм математика укытучысы Любовь Баевага ул рәхмәтен белдерә.