Түбән Новгородта ботулизм йоктырган Кострома кешесе хастаханәдә вафат булган
21 яшьлек Кострома егете хастаханәдә ботулизмнан вафат булган. Авыруны ул Түбән Новгородта чакта йоктырган. Бу хакта ТАСС хәбәр итә.
Хакимият вәкилләре үлү очрагының медицина ярдәме алу өчен вакытында мөрәҗәгать итмәү белән бәйле булуын билгеләп үтте. Авыруның беренче билгеләре Түбән Новгородта чакта үк беленә башлаган, әмма егет Костромага кайткач кына ашыгыч ярдәм чакырткан.
«Табибларның тырышлыгына карамастан, пациентны коткарып калып булмады», – дип хәбәр итә табиблар. Алар медицина ярдәме алу өчен вакытында, авыруның беренче билгеләре беленә башлау белән мөрәҗәгать итүнең мөһимлеген ассызыклый.