Астанада алдағы күндері ауа райы қандай болады?
Синоптиктер алдағы үш күнде Астана мен Алматыда ауа райы қандай болатынын айтты, - деп хабарлайды Tengrinews.kz тілшісі.
Астанаға арналған ауа райы болжамы
28 маусымда елордада көшпелі бұлт шығады, күннің екінші жартысында жаңбыр жауып, найзағай, бұршақ болуы мүмкін. Оңтүстік-шығыс жел тұрып, күннің екінші жартысында екпіні секундына 15-20 метрге жетеді. Ауа температурасы түнде 19-21, күндіз қатты ыстық 35-37 градус.
29 маусымда көшпелі бұлтты, жауын-шашынсыз. Жел оңтүстік-батыстан 9-14, күндіз екпіні секундына 15-20 метр. Ауа температурасы түнде 17-19, күндіз 27-29 градус жылы.
30 маусымда көшпелі бұлт шығады, күндіз жаңбыр жауады, күн күркірейді. Жел оңтүстік-батыстан 9-14, күндіз екпіні секундына 15-20 метр. Ауа температурасы түнде 13-15, күндіз 24-26 градус жылы.
Алматыға арналған ауа райы болжамы
28 маусымда қалада көшпелі бұлт шығады, жауын-шашын болмайды. Жел секундына 0-5 метр. Ауа температурасы түнде 24-26, күндіз 36-38 градус жылы.
29 маусымда көшпелі бұлт шығады, күндіз өткінші жаңбыр жауады, найзағай ойнайды. Оңтүстік-батыстан соққан жел 3-8, екпіні секундына 13 метр. Ауа температурасы түнде 24-26, күндіз 34-36 градус жылы.
30 маусымда көшпелі бұлт шығады, күндіз өткінші жаңбыр жауады, найзағай ойнайды. Батыстан соғатын желдің күші 3-8, екпіні секундына 13 метр. Ауа температурасы түнде 22-24, күндіз 32-34 градус жылы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!