Մենք պետք է լինենք ամենաբարձր մակարդակի վրա, որպեսզի հնարավորություն ունենանք հաղթելու Վրաստանի հավաքականին․ Իսպանիայի հավաքականի գլխավոր մարզիչ
Իսպանիայի հավաքականի գլխավոր մարզիչ Լուիս դե լա Ֆուենտեն կիսվել է Եվրո-2024-ի 1/8 եզրափակչի Վրաստանի դեմ խաղից իր սպասելիքներով։
«Մենք բոլորս ֆուտբոլում ականատես ենք եղել անակնկալների, և դրանք կշարունակվեն: Վրաստանը հաղթեց Պորտուգալիային։ Ամեն ինչ կարող է տեղի ունենալ մեկ խաղում։ Մենք պետք է լինենք ամենաբարձր մակարդակի վրա, որպեսզի հնարավորություն ունենանք հաղթելու։
Ես շատ լավ գիտեմ վրացական ֆուտբոլը։ Ես ճանաչում եմ վրացի ֆուտբոլիստների տարբեր սերունդների։ Ես տեսա, թե ինչպես է զարգանում վրացական ֆուտբոլը։
Վիլի Սանյոլը ֆանտաստիկ աշխատանք է կատարել Վրաստանի հավաքականի հետ, և նա շատ փորձառու է ֆուտբոլային աշխարհում: Ես հիանալի հարաբերություններ ունեմ նրա հետ, և շատ ուրախ եմ, որ նրա մոտ ամեն ինչ այդքան լավ է ստացվում»,- դե լա Ֆուենտեի խոսքերն է մեջբերում ՈւԵՖԱ-ի կայքը։