Ուրուգվայը դուրս է եկել Կոպա Ամերիկայի փլեյ-օֆֆ՝ նվազագույն հաշվով հաղթելով ԱՄՆ-ին
Ուրուգվայի հավաքականը նվազագույն հաշվով հաղթել է ԱՄՆ-ի հավաքականին 2024 թվականի Ամերիկայի Գավաթի խմբային փուլի 3-րդ տուրի խաղում: Հանդիպումն ավարտել է 1:0 հաշվով:
Հանդիպման միակ գոլը խփել է ուրուգվայցիների պաշտպան Մատիաս Օլիվերան։
Խմբային փուլի ավարտին Ուրուգվայը 9 միավորով առաջին տեղն է զբաղեցրել C խմբում Պանամայի (6 միավոր), ԱՄՆ-ի (4 միավոր) և Բոլիվիայի (0 միավոր) հետ։
Փլեյ-օֆֆում Ուրուգվայը կխաղա D խմբի երկրորդ տեղը զբաղեցրած թիմի հետ։
Օրվա մյուս խաղում Պանամայի հավաքականը 3:1 հաշվով հաղթել է Բոլիվիային և դուրս եկել հաջորդ փուլ: Պանամայի կազմում գոլերի հեղինակ են դարձել հարձակվողներ Խոսե Ֆախարդոն, Էդուարդո Գերերոն և կիսապաշտպան Սեզար Յանիսը։ Բոլիվիայի միակ գոլը խփել է հարձակվող Բրունո Միրանդան։
Խմբային փուլի ավարտին Պանաման Ուրուգվայի (9 միավոր), ԱՄՆ-ի (4 միավոր) և Բոլիվիայի (0 միավոր) հետ C խմբում 6 միավորով զբաղեցրել է երկրորդ տեղը։
Ամերիկայի գավաթը կտևի մինչև հուլիսի 15-ը։ Մրցաշարի գործող հաղթողը Արգենտինայի հավաքականն է, որը 2021 թվականի եզրափակչում 1։0 հաշվով հաղթել է Բրազիլիայի հավաքականին։