Аксубай рәссамының иҗат эшләре Казан күргәзмәсендә тәкъдим ителде

Казан Кремлендә Александр Пушкинның 225 еллыгына багышланган «Путешествие в мир сказок, поэзии и прозы» күргәзмәсе ачылды. Күргәзмәдә Аксубай балалар сәнгать мәктәбенең рәсем бүлеге укучысы Полина Крайнованың да эшләре тәкъдим ителде, дип яза «Аксубай» газетасы.

Проект Россиядә Пушкин көненә багышланган. Күргәзмә залында яшь рәссамнарның ике йөздән артык эше урын алган. Болар – жюри тарафыннавн Россиянең 20 төбәген тәкъдим итүче «Вглядываясь в мир» бәйгесе катнашучыларының 900дән артык картинасы арасыннан сайлап алынган эшләр.

«Күргәзмә ачылышында җиңүчеләрне бүләкләделәр. Безнең Полина Крайнова 5-9 яшьлекләр төркемендә «Рәсем» номинациясендә җиңүче Дипломы алды. Жюри аның Пушкинның «О Царе Салтане» әкияте буенча «Три девицы за окном» картинасын лаеклы бәяләде», – диелә хәбәрдә.