Avstriya – Türkiyə oyununa doğru – statistika nə deyir?

Türkiyə millisi Avro-2024-ün 1/8 finalında bu gün Avstriya ilə qarşılaşacaq.

Futbolpress.az xəbər verir ki, komandalar 10-cu dəfə böyük turnirdə üz-üzə gələcək.

Türkiyə yığması Avstriya ilə matçlarda 5 oyunda qələbə qazanıb, 4 dəfə uduzub. Komandaların son iki görüşü isə yoldaşlıq oyunu çərçivəsində olub. 2016-cı ildə rəqibini məğlub edən Türkiyə bu ilin martında isə Avstriyaya böyük hesabla uduzub – 1:6.

Avstriya millisi Avro-2024-ün D qrupunda Fransa, Niderland və Polşa ilə mübarizə aparıb. 3 oyunda 2 qələbə qazanan komanda yeganə məğlubiyyətini Fransa ilə oyunda yaşayıb. Qrupu lider kimi bitirən avstriyalılar 6 qol vurub, 4-nü buraxıb.

Türkiyə isə F qrupunda Portuqaliya, Çexiya və Gürcüstanla qarşılaşıb. 2 qələbə sayəsində ikinci kimi qrupdan çıxan “ay ulduzlular” 5 qol vurub, 5-ni buraxıb.

Bu gün baş tutacaq görüşə saat 23:00-da start veriləcək.