2022-ի սեպտեմբերյան պատերազմի հետևանքով գտնվելու վայրն անհայտ՝ ՀՀ ԶՈՒ երկու զինծառայողի ինքնությունները պարզվել են. ՔԿ
ՔԿ-ին տեղեկացրել էին, որ Ադրբեջանի կողմից ՀՀ-ին փոխանցված՝ ենթադրաբար 2 հայ զինծառայողների մասունքների նույնականացման նպատակով 2022 թ․ սեպտեմբերի 13-14-ին ՀՀ-ի դեմ սանձազերծված ագրեսիվ պատերազմի առթիվ ՀՀ ՔԿ զինվորական քննչական գլխավոր վարչությունում նախաձեռնված քրեական վարույթի շրջանակներում նշանակվել են դիակների դատաբժշկական և դատագենետիկական փորձաքննություններ։
«Փորձաքննության եզրակացություններն ստացվել են, որոնց արդյունքում 2022 թվականի սեպտեմբերյան ագրեսիվ պատերազմի հետևանքով գտնվելու վայրն անհայտ՝ ՀՀ ԶՈՒ երկու զինծառայողների ինքնությունները պարզվել են։
2022 թվականի սեպտեմբերյան ագրեսիայի հետևանքով գտնվելու վայրն անհայտ անձ այլևս չկա»,- ասված է ՔԿ-ի հաղորդագրության մեջ։
The post 2022-ի սեպտեմբերյան պատերազմի հետևանքով գտնվելու վայրն անհայտ՝ ՀՀ ԶՈՒ երկու զինծառայողի ինքնությունները պարզվել են. ՔԿ first appeared on MediaLab Newsroom-Laboratory.