Դիմիտրով գյուղի ավտոտեխսպասարկման կետում կայանված «Mercedes»-ում հրդեհ է բռնկվել

Այսօր՝ հուլիսի 10-ին, արտակարգ դեպք է տեղի ունեցել Արարատի մարզում:

Ժամը 01:15-ի սահմաններում ՀՀ ներքին գործերի նախարարության փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ Դիմիտրով բնակավայրի Երևանյան խճուղու թիվ 49 հասցեի հարևանությամբ ավտոմեքենա է այրվում:

Ինչպես հայտնում է Shamshyan.com-ը, դեպքի վայր էժամանել Արտաշատի թիվ 23 հրշեջ-փրկարարական ջոկատից 1 մարտական հաշվարկ:

Պարզվել է, որ հրդեհը բռնկվել է նշված հասցեում գործող ավտոտեխսպասարկման կետի դիմաց կայանված՝ Արարատի մարզի բնակիչ 39-ամյա Տիգրան Ա.-ի վարած «Mercedes» մակնիշի ավտոմեքենայում:

Ավտոմեքենան վերածվել է մոխրակույտի, ջերմահարվել է տեխսպասարկման կետի կախովի առաստաղի մոտ 25 քմ հատված: