Հայտնի է Մբապեի խաղային համարը Ռեալում
Մադրիդի «Ռեալն» իր պաշտոնական կայքում հայտնել է, որ մի շարք ֆուտբոլիստներ փոխել են իրենց խաղային համարները։
Այսպիսով, թիմի նորեկ Կիլիան Մբապեն «Արքայական» ակումբում հանդես կգա 9 համարի ներքո։ Էդուարդո Կամավինգան, ով նախկինում կրում էր 12 համարը, այժմ կխաղա 6 համարի ներքո։ Ֆեդերիկո Վալվերդեն Կրոսից հետո ստացավ 8 համարը։ Չուամենին այսուհետ հանդես կգա 14, Գյուլերը 15, իսկ Վալյեխոն 18 համարի ներքո ։
Նշվում է, որ վաղվանից «Ռեալը» կսկսի իր ֆան-շոփում խաղացողների թարմացված համարներով մարզաշապիկների վաճառքը։
Այսօր ավելի վաղ Մադրիդի «Ռեալը» հայտարարել էր նաև, որ Կիլիան Մբապեն հաջորդ երեքշաբթի՝ հուլիսի 16-ին, «Սանտյագո Բեռնաբեու» մարզադաշտում կներկայացվի որպես «Ռեալի» խաղացող։