Օրբանը հայտարարել է, որ Թրամփը պատրաստվում է լուծել ուկրաինական ճգնաժամը
Հունգարիայի վարչապետ Վիկտոր Օրբանը հանդիպել է ԱՄՆ նախկին նախագահ Դոնալդ Թրամփի հետ և քննարկել ուկրաինական հակամարտության կարգավորման հարցը։ Այս մասին քաղաքական գործիչը հայտնել է X սոցիալական ցանցում։
«Պատիվ էր այսօր այցելել նախագահ Դոնալդ Թրամփին Մար-ա-Լագոյում: Մենք քննարկել ենք խաղաղության հասնելու ուղիները»,- ասել է Օրբանը։
Հունգարիայի վարչապետը հավելել է, որ Թրամփի վերընտրվելու դեպքում «այս խնդիրը կլուծվի», ինչը, ըստ Օրբանի, «լավ նորություն է»։
Օրբանն ամերիկացի նախկին առաջնորդի հետ իր հանդիպումը անվանել է «խաղաղության առաքելություն»։
Վերջին օրերին Օրբանն իր խաղաղարար առաքելությամբ այցելել է Ուկրաինա, Ռուսաստան, Չինաստան՝ փորձելով ռուս-ուկրաինական հակամարտության համար լուծում գտնել: