Пензада Сабан туе 20 июльдә була

20 июльдә Пенза шәһәренең «Город спутник» микрорайонында Фонтан мәйданында Сабан туе узачак. Бу хакта Пенза татарлары Автономиясенең «ВКонтакте» төркемендә хәбәр итәләр.

Бәйрәм 11:00 сәгатьтә башлана.

Сабантуйда Татарстанның Азнакай районы һәм Пенза өлкәсе иҗат коллективлары чыгыш ясаячак. Шулай ук спорт ярышлары һәм уеннар, балалар өчен уен мәйданчыклары, бүләкле бәйгеләр, көрәш ярышы була.

Сабантуй кунаклары һәм катнашучылар өчен Пенза өлкәсенең декоратив-гамәли сәнгать осталары эшләнмәләреннән күргәзмә-ярминкә дә оештырыла. Махсус мәйданчыкларда татар милли ризыклары сатылачак, диелә хәбәрдә.