Հայկ Մարտիրոսյանը հաղթել է արագ շախմատի միջազգային մրցաշարում

Գրոսմայստեր Հայկ Մարտիրոսյանը «Biel Chess Festival 2024» միջազգային մրցաշարի շրջանակներում անցկացված արագ շախմատի մրցաշարում զբաղեցրել է առաջին հորիզոնականը։ Այս մասին հաղորդագրություն է տարածել Հայաստանի շախմատի ֆեդերացիան։ 

Մրցաշարում երկրորդ տեղը զբաղեցրել է Հնդկաստանը ներկայացնող Ռամեշբաբու Պրագնանանդհան, իսկ երրորդ հորիզոնականը՝ Գերմանիան ներկայացնող Վինսենթ Կայմերը։

Հայաստանի շախմատի ֆեդերացիան շնորհավորել է Հայկ Մարտիրոսյանին և մաղթել նորանոր հաջողություններ։

The post Հայկ Մարտիրոսյանը հաղթել է արագ շախմատի միջազգային մրցաշարում first appeared on MediaLab Newsroom-Laboratory.