Менделеевск башлыгы Радмир Беляев: Алгы сафтагыларга кирәкле бар нәрсәне җитештерәбез
Менделеевск районы башлыгы Радмир Беляев «Җиңү армиясенә кушыл!» телемарафонында алгы сафтагылар өчен кирәкле бар нәрсә дә җитештерелүе турында сөйләде.
«Беренче көннән үк без, Менделеевск халкы, гомуми бурыч – сугышчыларга ярдәм итү өчен берләштек. Беренче көннән үк әниләр, хатыннар, сугышчылар берләшеп, гуманитар ярдәм җыю белән шөгыльләнә торган «Без бергә» оешмасына нигез салды. Кем ничек булдыра ала – бар кеше дә булышты. Бизнес та җитди ярдәм күрсәтә. Лисичанск һәм Рубежное шәһәрләре буенча бурычлар бар. Күптән түгел үзем шунда булдым, бу айда автомобильләр өчен өстәмә запчастьлар җибәрәбез дип сөйләштек. Һәр ай анда гуманитар йөк җибәрәбез», – дип сөйләде ул.
Радмир Беляев сүзләренчә, Менделеевскта кураторлар институты бар. Алар аерым сугышчыларның гаиләләренә беркетелгән.
«Гаиләләр безнең ярдәмне тоюы бик мөһим. Кураторлар килеп, кар чистарта, скважина казый, балаларга укуында булыша һәм башкалар. Һәр гаилә белән очрашабыз, аралашабыз. Сугышчылар гаиләләре өчен борчылып тормавы бик мөһим. Шулай ук, «Ватанны Яклаучылар» фонды бар, алар белән уртак зур эш алып барабыз», – дип өстәде Беляев.
Менделеевск районы башлыгы районда зур ташламалар программасы гамәлдә булуын билгеләп узды. «Махсус операция сугышчыларының гаиләләре балалар бакчасы өчен түләүдән азат ителә, юлда йөрү бушлай, сугышчылар өчен реабилитация программалары бар. Машиналар төяргә булыша торган волонтер һәм яшьләр оешмалары күп, алар үз хезмәте белән ярдәм итәләр, хатлар язалар», – диде.
Ул алгы сызыкта кирәкле продукция җитештерү дә җайга салынганын искәртте. «Без фронтта кирәкле 20дән артык төр продукция җитештерәбез. Мәсәлән, ашлар, коры армия душы, окоп шәмнәре, махсус шырпылар, ярымфабрикат ризыклар. Подшлемниклар, аптечкалар, сумкалар тегәбез. Бу чын халык фронты. Сугышчыларга, геройларга рәхмәт әйтәсем, аларга ииинлек телисем килә. Ярдәм итәр өчен бернәрсәсен кызганмаган предприятиеләргә, барлык халкыбызга бердәмлек өчен рәхмәт», – дип сөйләде Менделеевск башлыгы.
- Бүген иртәнге сәгать 8 дә Татарстанда «Җиңү армиясенә кушыл!» телемарафоны башланды. Студиягә 60тан артык кунак, волонтерлар, махсус хәрби операциядә катнашучылар, табиблар, район башлыклары, артистлар һәм башкалар килә.
- Трансляция ТНВ һәм «ТНВ-Планета» телеканалларында, шулай ук YouTube һәм «Вконтакте» да Татарстан Республикасының рәсми төркемендә онлайн бара. Тамашачыларны күргәзмәләр, алгы сызыктан ерак түгел урыннардан турыдан-туры элемтәләр, «Безнең Геройлар» циклыннан фильмнар, сугышчыларга һәм гаиләләренә тиешле ярдәм чаралары турында мәгълүмат көтә.
- Хәзер контрактлы хезмәт шартлары тагын да кызыгырлык. Татарстанда бер тапкыр 1,5 млн сумга кадәр алырга мөмкин, аннары ай саен хәрбиләргә 210 мең сум һәм күбрәк түләнә. Бу хакта тулырак 8 (800) 222-59-00 телефоныннан белеп була.
- Россия Кораллы көчләрендә контракт нигезендә хезмәт, премия, ташламалар, түләүләр турында күбрәк heroes-tatarstan.ru сайтында яки 117 телефоны аша белергә мөмкин.