Рөстәм Миңнеханов «КАМАЗ-мастер»ны ралли-рейдта җиңүе белән котлады
Татарстан Рәисе Рөстәм Миңнеханов Дмитрий Сотников җитәкчелегендәге «КАМАЗ-мастер» экипажын «Ефәк юлы» ралли-рейдында җиңүләре белән котлады. Бу хакта республика җитәкчесе үзенең Телеграм-каналында хәбәр итте.
«КАМАЗ-мастер егетләре Ефәк юлында искиткеч нәтиҗә күрсәтте. Берсүзсез җиңү, «Ак тигр» безнеке. Горурланабыз!» – дип язган Рөстәм Миңнеханов.
Дмитрий Сотников карьерасында бу бишенче җиңү. Гомуми зачеттагы икенче урын да Татарстан командасы вәкиле булган Эдуард Николаев экипажында. Өченче урында Белоруссия МАЗы вәкиле Сергей Вязович.