Մենք վերադարձանք Թեհրան՝ շարունակելու մեր ծառայությունը. համատեղ ջանքերով մենք կհասնենք ադրբեջանա-իրանական կապերի հետագա ամրապնդմանը. Իրանում Ադրբեջանի դեսպան
Այսօր մենք վերադարձանք Թեհրան՝ շարունակելու մեր ծառայությունը մեր դեսպանատան աշխատանքը նոր հասցեում վերսկսելու համար:
Ինչպես հաղորդում են ադրբեջանական լրատվականներն, այս մասին հայտնել է Իրանում Ադրբեջանի դեսպան Ալի Ալիզադեն։
«Հավատում եմ, որ համատեղ ջանքերով մենք կհասնենք ադրբեջանա-իրանական կապերի հետագա ամրապնդմանը և փոխադարձ հարգանքի, բարեկամության և բարիդրացիության վրա հիմնված մեր համագործակցության ընդլայնմանը»,- ասել է դեսպանը։
Հիշեցնենք, որ ավելի վաղ հաղորդել էինք, որ Իրանում Ադրբեջանի դեսպանատունը վերսկսել է գործունեությունը:
Թեհրանում Ադրբեջանի դեսպանատան գործունեությունը դադարեցվել էր 2023 թվականի հունվարի 27-ին դիվանագիտական ներկայացուցչության վրա զինված հարձակումից հետո, որի հետևանքով սպանվել էր դեսպանատան անվտանգության աշխատակիցը, վիրավորվել նրա երկու գործընկեր։