Шымкентте жантүршігерлік жол апаты болып, алты адам зардап шекті
Шымкентте жол апатынан алты адам зардап шекті, олардың екеуі бала. Барлығы ауруханаға жатқызылған, - деп хабарлайды Tengrinews.kz тілшісі Otyrar-ға сілтеме жасап.
Басылым мәліметінше, екі көлік - Toyota Camry және Kia K5 соқтығысқан. Салдарынан көліктер айналып, жол жиегіне ұшып кеткен.
"Жол апатынан алты адам зардап шекті, оның ішінде екі кәмелетке толмаған бала бар. Барлығы ауруханаға жеткізілді, кейбір науқастар ауыр жағдайда", - делінген материалда.
Куәгерлердің айтуынша, жүргізушілер Арғынбеков көшесінің бойымен қарама-қарсы келе жатқан. Toyota Camry жүргізушісі жол қиылысында бұрылмақ болған, осы кезде түзу келе жатқан Kia K5 көлігімен соқтығысқан. Құтқарушылар көліктегі жолаушылардың бірін шығару үшін арнайы құралдарды қолдануға мәжбүр болды. Жол-көлік оқиғасынан кейін өртсөндірушілер жанармай аққанын анықтап, көлікті тез арада көбікпен толтырған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!