Azərbaycanın ən böyük və gözlənilən gənclər festivalı "Yay Fest" uğurla davam edir. Bu il də daha fərqli və daha əyləncəli formatda yenidən başlayan festivalın 2-ci düşərgəsi artıq öz işinə başlayıb. Çadır tipli düşərgə formatında keçirilən bu möhtəşəm tədbir Azərbaycan Respublikasının Gənclər Fondunun dəstəyi, "IDEA" İctimai Birliyi, COP29 Sədrliyi, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, "CAVAN" Gənclər Hərəkatı İctimai Birliyi və "Gənc Könüllülər" İctimai Birliyinin birgə təşkilatçılığı ilə Şamaxıda baş tutur.
