Татарстанда кабат боз, яшенле яңгыр һәм көчле җил көтелә
Пәнҗешәмбе, 25 июльдә, көндез һәм кич Татарстанда һава шартларының бозылуы фаразлана. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада һәм Казанда яшенле яңгыр, урыны белән боз явуы көтелә. Шулай ук көчле җил чыгачак – аның тизлеге урыны белән секундына 15-20 метрга кадәр җитәчәк.