Փարիզ-2024. Դավիթ Չալոյանը չկարողացավ բրոնզե մեդալ ապահովել

Հայաստանի բռնցքամարտի հավաքականի անդամ, գերծանր քաշային Դավիթ Չալոյանը Փարիզի Օլիմպիական խաղերի քառորդ եզրափակչում ուժերը չափեց աշխարհի բրոնզե մեդալակիր, Եվրոպայի չեմպիոն, Իսպանիայի ներկայացուցիչ Այուբ Ղադֆա Դրիսիի հետ:

Լարված մենամարտում հայ բռնցքամարտիկը ցավալի պարտություն կրեց և չկարողացավ ապահովել բրոնզե մեդալ: Ընդ որում՝ առաջին ռաունդում, թեև ունեցած նշանակալի առավելությանը, մրցավարներն առավելությունը շնորհեցին իսպանացի բռնցքամարտիկին:

Հիշեցնենք՝ մեկնարկային մենամարտում Չալոյանը ծանր պայքարում 3:2 հաշվով առավելության էր հասել անգլիացի Դելիշուս Օրիի նկատմամբ:

Դավիթ Չալոյանն առաջին անգամ էր մասնակցում Օլիմպիական խաղերին:

Նշենք նաև՝ հայ երկրպագուները Չալոյանի մենամարտին ուղիղ հեռարձակմամբ հետևել են Փարիզում գործող «Հայաստանի տանը»: