Ջրամբար գյուղի խաչմերուկի մոտակայքում բախվել է երեք ավտոմեքենա․ կան տուժածներ

Օգոստոսի 21-ին՝ ժամը 18:52-ին, Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջրամբար գյուղի խաչմերուկի մոտակայքում տեղի է ունեցել ՃՏՊ, կա տուժած, ավտոմեքենայի շարժիչի հատվածից ծուխ է նկատվում. անհրաժեշտ է փրկարարների օգնությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Պարզվել է, որ Ապարան-Քուչակ ավտոճանապարհի 13-րդ կմ-ին բախվել են VAZ (վարորդ` Ա. Ս., ծնված 1986թ.), Mercedes-Benz (վարորդ՝ Գ․ Ա․) և VAZ (վարորդ՝ Մ․ Խ․, ծնված 1987 թ.) մակնիշների ավտոմեքենաները։

Մինչ փրկարարների կանչի վայր հասնելը՝ VAZ ավտոմեքենայի ուղևորներ Ա․ Շ․-ն (ծնված 2008 թ․), Շ․ Խ․-ն (ծնված 1991 թ.) և Մ․ Ն,-ն (ծնված 1989 թ.) տեղափոխվել են, իսկ վարորդները հոսպիտալացվել են բժշկական կենտրոն, որտեղ տուժածների առողջական վիճակը գնահատվել է բավարար։

Փրկարարները հոսանքազրկել են ավտոմեքենաները և փակել գազի բալոնների փականները։

The post Ջրամբար գյուղի խաչմերուկի մոտակայքում բախվել է երեք ավտոմեքենա․ կան տուժածներ first appeared on MediaLab Newsroom-Laboratory.