Իսրայելի հարվածների հետևանքով Գազայում առնվազն 9 մարդ է զոհվել
Գազա քաղաքին իսրայելական բանակի հասցրած հարվածների հետևանքով առնվազն 9 մարդ է զոհվել։ Այս մասին հաղորդում է ՏԱՍՍ գործակալությունը՝ կատարական Al Jazeera հեռուսատաալիքին հղումով։
Ինչպես հաղորդում է հեռուստաալիքը՝ Պաղեստինի քաղաքացիական պաշտպանության ծառայության տվյալներով՝ իսրայելական ուժերն օգոստոսի 27-ի վաղ առավոտյան երկու ռումբ են նետել Գազայի հյուսիսում գտնվող երկու շենքի վրա։
Գերատեսչության տվյալներով՝ փրկարարական խմբերը հայտնաբերել են ինը պաղեստինցու դի։ Զոհերի ու անհետ կորածների որոնումները դեռ շարունակվում են։