Նեյմարի ներկայացուցիչները հերքել են խաղացողի Բարսելոնա վերադառնալու մասին լուրերը
Երեկ՝ օգոստոսի 26-ին մամուլում տեղեկություններ հայտնվեցին աստղային հարձակվող Նեյմարի՝ կատալոնական «Բարսելոնա» վերադառնալու ցանկության մասին։ Այս լուրերին արձագանքել է բրազիլացի խաղացողի ներկայացուցիչը։
«Նեյմարի՝ «Բարսելոնա» տեղափոխվելու ցանկության մասին հրապարակումները սուտ են և անհարգալից վերաբերմունք «Ալ-Հիլալի», ինչպես նաև անձամբ ֆուտբոլիստի նկատմամբ: Նեյմարը գործող պայմանագիր ունի ակումբի հետ, նա գոհ է ամեն ինչից։ Նա շուտով պետք է խաղադաշտ վերադառնա»,- ներկայացուցչի խոսքերն է մեջբերում ինսայդեր Ֆաբրիցիո Ռոմանոն։
Հիշեցնենք, որ Նեյմարը «Ալ-Հիլալ» է տեղափոխվել ֆրանսիական ՊՍԺ-ից անցած ամառ: Խաչաձև կապանների վնասվածքի պատճառով հարձակվողը խաղադաշտ դուրս չի եկել 2023 թվականի հոկտեմբերից։