Токаев белән Путин Россия Президентының Астанага булачак сәфәре турында фикер алышты
Казахстан Президенты Касым Жомарт Токаев Россия лидеры Владимир Путин белән телефоннан сөйләште. Дәүләт башлыклары Путинның Астанага булачак сәфәре һәм хезмәттәшлек турында фикер алышты, диелгән Казахстан Президенты матбугат хезмәте хәбәрендә.
Телефон аша сөйләшүләр нәтиҗәләре буенча президентлар сәүдә-икътисади һәм энергетика өлкәләрендә элек ирешелгән килешүләрне тулысынча тормышка ашырырга һәм Путинның булачак сәфәренә сыйфатлы итеп әзерләнергә килешкән.
Шулай ук Токаев Путинга Казанда узачак БРИКС саммитына чакыруы өчен рәхмәт белдерде.