Պուտինը և Ալիևը քննարկել են ՀՀ-ի և Ադրբեջանի միջև խաղաղության գործընթացը
Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։
«Արմենպրես»-ի փոխանցմամբ՝ այս մասին նշված է Կրեմլի պաշտոնական կայքում տարածված հաղորդագրության մեջ։
«Քննարկումը շարունակվել է Անդրկովկասում տիրող իրավիճակի տարբեր հարցերի, այդ թվում՝ հայ-ադրբեջանական խաղաղության պայմանագրի նախապատրաստման, սահմանի սահմանազատման և սահմանագծման, երկու պետության միջև տրանսպորտային հաղորդակցությունների ապաշրջափակման շուրջ։ Այդ կապակցությամբ ռուսական կողմը հաստատել է իր պատրաստակամությունը՝ շարունակելու հնարավոր բոլոր օգնությունները Բաքվին և Երևանին համապատասխան փոխընդունելի լուծումներ մշակելու համար»,-ասված է հաղորդագրության մեջ։
Աղբյուրի փոխանցմամբ՝ ղեկավարները գոհունակություն են հայտնել Ռուսաստանի նախագահի՝ օրեր առաջ Ադրբեջան կատարած պետական այցի հաջող արդյունքների կապակցությամբ։
Կրեմլի տարածած պաշտոնական հաղորդագրության համաձայն՝ հեռախոսազրույցի ընթացքում նշվել է, որ բանակցությունների ընթացքում ձեռք բերված պայմանավորվածությունների հետևողական իրականացումը կնպաստի ռուս-ադրբեջանական դաշնակցային և գործընկերային հարաբերությունների հետագա խորացմանը։
The post Պուտինը և Ալիևը քննարկել են ՀՀ-ի և Ադրբեջանի միջև խաղաղության գործընթացը first appeared on MediaLab Newsroom-Laboratory.