Բալահովիտում բախվել են «ՎԱԶ 2109»-ն ու «KrAZ»-ը. կա զոհ
Այսօր՝ օգոստոսի 29-ին, մահվան ելքով ավտովթար է տեղի ունեցել Կոտայքի մարզում: Ժամը 08:20-ի սահմաններում Երևան-Աբովյան ավտաճանապարհի Բալահովիտ բնակավայրի վարչական տարածքում՝ ժողովրդին հայտնի Բալահովիտի գյուղապետարանի մոտ, բախվել են «ՎԱԶ 2109» և «KrAZ» մակնիշի ավտոմեքենաները:
Ինչպես հայտնում է shamshyan.com-ը, վթարի հետևանքով «ՎԱԶ 2109»-ի վարորդին փրկարարներն ավտոմեքենայից դուրս են բերել հատուկ տեխնիկայի օգնությամբ, ինչից հետո նրան մոտեցրել շտապօգնության ավտոմեքենային, սակայն րոպեներ անց վիրավորը, գիտակցության չգալով, մահացել է:
Վթարի փաստով Աբովյանի քննչական բաժնում նախաձեռնվել է քրեական վարույթ, պարզվում է «KrAZ»-ի վարորդի և զոհի ինքնությունը: