Թուրքիան 4 պայման է նշել Սիրիայի հետ հարաբերությունների կարգավորման համար․ CNN Turk
Անկարան Դամասկոսի հետ հարաբերությունները կարգավորելու չորս պայման է սահմանել։
Այս մասին հայտնում է CNN Turk-ը՝ վկայակոչելով Թուրքիայի մայրաքաղաքի դիվանագիտական աղբյուրները, փոխանցում է ՌԻԱ Նովոստին։
«Ըստ աղբյուրների, հարաբերությունները այն մակարդակին վերադարձնելու ճանապարհը, որը կար մինչև 2011 թվականը, անցնում է չորս հիմնական պայմանով.
Այսինքն՝ Թուրքիան չորս հիմնական ակնկալիք ունի հարաբերությունների կարգավորումից»,- հաղորդում է հեռուստաալիքը։
Այսպիսով, Անկարան Դամասկոսից ակնկալում է.
1. ահաբեկչական տարրերի ամբողջական ոչնչացում Սիրիայի տարածքային ամբողջականության և միասնության պահպանման համար,
2.Սիրիան պետք է իրական ազգային հաշտության հասնի սեփական ժողովրդի հետ օրինական պահանջների հիման վրա և ՄԱԿ-ի Անվտանգության խորհրդի 2254 բանաձևի շրջանակներում, վերադառնա սահմանադրական բանակցություններին և համաձայնության գա ընդդիմության հետ,
3.փախստականների անվտանգ և արժանապատիվ վերադարձի համար անհրաժեշտ պայմանների ստեղծում,
4.ընդդիմության վերահսկողության տակ գտնվող տարածքներին մարդասիրական օգնության մատակարարման անխափան շարունակությունը։