Рөстәм Миңнеханов Илдус Мостюков хөрмәтенә мемориаль такта ачты
Татарстан Рәисе Рөстәм Миңнеханов Республика көнен Социалистик Хезмәт Герое, «үзеңнеке-читнеке» радиолокацион танып белү бердәм дәүләт системасы генераль конструкторы Илдус Мостюков хөрмәтенә мемориаль такта ачудан башлады. Бу хакта «Татар-информ»га Татарстан Рәисе матбугат хезмәте җитәкчесе Лилия Галимова хәбәр итте.
Мемориаль такта галим яшәгән йортка куелды, диде агентлык әңгәмәдәше.
- Илдус Мостюков, «үзеңнеке-читнеке» радиолокацион танып белү совет системасын булдыручыларның берсе, 2024 елның 6 июлендә 96 яшендә вафат булды.