Newsweek ամսագիրը Մարգարիտա Սիմոնյանին անվանել է Պուտինի «մեդիա թագուհի»
Ամերիկյան Newsweek ամսագիրը Россия Сегодня մեդիա խմբի և RT ալիքի գլխավոր խմբագիր Մարգարիտա Սիմոնյանին անվանել է ՌԴ նախագահ Վլադիմիր Պուտինի «մեդիա թագուհի»:
«Պուտինի մեդիա թագուհի, ուժեղ է ասված: Ընկերնե՛ր բուրժուանե՛ր, բա՛վ է սնել իմ փառասիրությունը ձեր ֆասթֆուդով», - թելեգրամյան ալիքում հրապարակմանն արձագանքել է Սիմոնյանը:
Սեպտեմբերի 4-ին ԱՄՆ ֆինանսների նախարարությունը պատժամիջոցներ է կիրառել Россия Сегодня մեդիա խմբի, РИА Новости-ի, RT-ի, Sputnik-ի, Ruptly-ի դեմ։ Նոր սահմանափակումներն անդրադարձել են Սիմոնյանի և որոշ թոփ-մենեջերների վրա։
Բացի այդ, Պետդեպարտամենտը խստացրել է մեդիա խմբի և նրա դուստր ձեռնարկությունների աշխատանքային պայմանները՝ սահմանելով նրանց կարգավիճակը որպես «օտարերկրյա առաքելություններ»։ Օրենքով նրանցից կպահանջվի զեկուցել ԱՄՆ-ում աշխատող անձնակազմի և ունեցվածքի մասին: