«Коммерсант» сайтының элеккеге баш мөхәррире Павел Черников вафат
kommersant.ru сайтының элеккеге баш мөхәррире Павел Черников вафат. Бу хакта «Коммерсанть» газетасы хәбәр итә.
Журналист «Коммерсанть» нәшрият йортына 1999 елда информүзәк мөхәррире вазифасына килә. 2003 елда журналист «Коммерсантъ Власть» журналының җаваплы сәркатибе була (1992 елдан 2017 елга кадәр чыкты — искәрмә. Т-и), ә 2006 елда – kommersant.ru сайтының баш мөхәррире.
Павел Черников «Коммерсанть» нәшрият йортыннан 2011 елда китә. Шуннан соң ул Digital October, VRTech һәм башка компанияләрдә цифрлы проектлар белән шөгыльләнгән.