Әгъзам Гобәйдуллин Дәүләт Советына сайлауларда тавыш бирде
Татарстан Муниципаль берәмлекләр советы рәисе Әгъзам Гобәйдуллин җиденче чакырылыш ТР Дәүләт Советына депутатлар сайлауда тавыш бирде. Ул үз тавышын Казанның 96 номерлы гимназиясе бинасында урнашкан 65-нче сайлау участогында бирде, дип хәбәр ителә ассоциациянең телеграм-каналында.
«Бүген без киләчәгебезне сайлыйбыз, икътисадның, социаль өлкәнең үсеше өчен, иминлегебез өчен, махсус хәрби операция зонасында Туган ил мәнфәгатьләрен яклаучы хәрбиләребезгә ярдәм итү өчен тавыш бирәбез», - диде Гобәйдуллин.
Ул Татарстан халкын актив гражданлык позициясен күрсәтергә һәм үз тавышын бирергә чакырды.