Татарстанда, кырауларга карамастан, җылы һава торышы саклана
Бүген, 18 сентябрьдә, Татарстанда коры һәм җылы һава торышы саклана. Бу хакта ТР Гидрометеорология үзәге хәбәр итә.
Республика территориясендә алмашынучан болытлы һава көтелә. Явым-төшем фаразланмый. Иртән урыны белән төнлә төшкән томан саклана, дип билгели синоптиклар.
Җилнең тизлеге секундына 2-7 метр тәшкил итә. Салкынча төннән соң көндез төбәктә һава 20-25 градуска кадәр җылыначак (Казанда — +22..+24 градуска кадәр).